AYDIN HÜSEYNOV

Aydın Hüseynov 1996 – 2000-ci illər arasında Egey Universiteti, Elm Fakultəsi, Riyaziyyat Bölməsi  Tətbiqi Riyaziyyat Programı, 2000 – 2002-ci illər arasında Ankara Universiteti, Təbiət Elmləri İnstitutu  Riyaziyyat Bölməsi, Tətbiqi Riyaziyyat Şöbəsi, 2002 – 2005-ci illər ərzində, Ankara Universiteti, Təbiət Elmləri İnstitutu  Riyaziyyat Bölməsi, Tətbiqi Riyaziyyat Şöbəsindən məzun olmuşdur. Dos. Dr. Aydın Hüseynov eyni zamanda Beynəlxalq Maliyyə Bazarları Assosiyasiyasının (International Capital Market Association (ICMA)) Kapital bazarları və Maliyyə Alətləri Sertifikatını əldə etmişdir.

2007-ci ildən bank sektorunda mütəxəssis olaraq əmək fəaliyyətinə başlamış A. Hüseynov illər ərzində şöbə müdiri, departament direktoru, idarə heyəti sədr müavini, idarə heyəti sədr v.i.e. şəxs olaraq bir sıra rəhbər vəzifələrdə çalışmış, hər daim çalışdığı təşkilata dəyər qatmağı bacarmışdır. A. Hüseynov hal-hazırda ASB Bank Müşahidə şurası sədrin müşaviridir.

Aydın müəllim, eyni zamanda Amerika Riyaziyyat Cəmiyyətinin Üzvü, “Dünyada Kim Kimdir” (ABŞ) kitabına daxil edilmiş azərbaycanlıdır. Dos. Dr. Aydın Hüseynov 15 ədəd elmi məqalə, 2 ədəd dissertasiya işi müəllifidir. O, Şimali Atlantik Antlaşma Konseyi (NATO), Elm Adamı Dəstəkləmə Bölməsi, Təkrar İnteqrasiya Qrantına layiq görülmüş, Egey Universiteti, Elm Fakultəsi, Riyaziyyat Bölməsi, Bölmə İkincisi olmuşdur.

Aydın müəllim Valyuta, Faiz, Likvidlik və Kredit Risklərinin İdarə Olunması, Xəzinədarlıq, Qiymətli kağızlar, Maliyyə alətləri, Törəmə əməliyyatlar, Kredit təhlili, Maliyyə analizi, Maliyyə Riyaziyyatı, Akkreditiv və Qarantiyalar, Faktorinq və Forfeytinq, Maliyyə risklərinin idarə edilməsi, Fondların idarə edilməsi, Kreditlərin idarə edilməsi, Biznesin idarə edilməsi mövzuları üzrə onlarla təlimlər aparmışdır.