Elnur İslamov

ELNUR İSLAMOV-UN ELMİ VƏ PEŞƏKAR FƏALİYYƏTİ

Elnur İslamov, 20 ildən artıq iş təcrübəsinə sahib təlimçi-ekspertlərimizdəndi. O, Türkiyənin Qazi Universitetinin İqtisadiyyat və İdarəetmə fakültəsini bitirdikdən sonra həmən universitetinin Biznes İdarəetmə üzrə maqistr və doktorantura (elmi müdafiəsiz) təhsili almış, 2012—ci də Almaniyanın GIZ təşkilatının dəstəyi ilə idarəetmə proqramımından da məzun olmuşdur.

Təhsil ilə yanaşı iş həyatına 19 yaşında Türkiyədə başlayan E.İslamov (45 ölkədən 1000-ə yaxın) Beynəlxalq Gənclər Təşkilatının təşəbbüskarı və rəhbəri, MUSİAD-ın MDB üzrə işgüzar səfərlər üzrə koordinator vəzifəsində çalışmışdır. Yay aylarında Türkiyədə turizm sektoruna ilk dəfə “əlil turizmi”, “lunapark” və “zənginləşdirilmiş yeniyetmə” turizm məhsulların inkişaf etdirən E.İslamov 2000-2005-ci illərdə Türk KOB şirkətlərinə ixrac bazarları üzrə müşavirlik xidmətləri göstərmişdir.

2005-də Azərbaycana döndükdən sonra müxtəlif holdinq və banklarda marketinq və biznesin inkişafı, layihələrin idarə edilməsi strukturlarında müvafiq olaraq mütəxəsis, şöbə müdiri və departament direktoru vəzifələrində çalışmışdır. Ümumdünya Əqli Mülkiyyət Təşkiları (WIPO)-nın Əmtəə nişan və coğrafi işarələrin qeydiyyatı və Ümumdünya Əmək Təşkilatı (ILO) biznesə başla təlim eksperti sertifikatlarının sahibidir. A.R. Əqli Mülkiyyət Agentliyinin tərəfindən ekoloji, maliyyə və sahibkarlıq sahələrində bir sıra müəllif əsərlərinə görə şəhadətnamələrə layiq görülmüşdür.

E.İslamov 2008-ci ildən ali təhsil müəsisələrində (UNEC TÜDİFAK, ATU) pedaqoji, biznes məktəblərdə və şirkətlərdə marketinq, françayzinq, biznes inkişaf və satış mövzularında təlim-ekspert kimi fəaliyyət göstərir.

Elnur İslamov - ölkədə françayzinq biznesini 10 ildən çoxdur ki, müxtəlif işgüzar platformalarla, o cümlədən beynəlxalq forumlarla, sərgilərlə, tv proqramlarla və bir kitab və onlarla məqalələrlə təbliğatı və maarifləndirməsi ilə məşğuldur. Françayzinq biznesini tətbiq və ya françayzi-investoru olmaq istəyən şirkətlərə bu sahədə mentorluq, müşaiyət və məsləhət xidmətləri təqdim edir.