Xəbərlər

"Praktiki satış texnologiyaları" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 16-da Bakı KOBİM-in təşkilatçılığı ilə "Bakı KOB evi"ndə "Praktiki satış texnologiyaları" mövzusunda növbəti təlim keçirilib. 16 nəfər iştirakçının qatıldığı təlimdə Bakı KOBİM-in təlimçi-eksperti tərəfindən satış anlayışı, prosesin əsas elementləri, müştəri ehtiyaclarının müəyyənləşdirilməsi, düzgün kommunikasiyanın qurulması və bunun üçün istifadə olunan texnikalar barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.