Xəbərlər

360° marketinq mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 1-də Bakı KOBİM-in təşkilatçılığı ilə "360° marketinq" mövzusunda növbəti təlim keçirilib. 18 nəfərin iştirak etdiyi təlimdə Bakı KOBİM-in eksperti tərəfindən iştirakçılara 360° marketinq, müştəri təcrübəsində 360° marketinqin rolu, rəqəmsal və ənənəvi marketinqin inteqrasiyası, Azərbaycanda 360° marketinq nümunələri haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.