Xəbərlər

Axtarışlarda ilk sırada çıxmaq mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 25-də Bakı KOBİM-in təşkilatçılığı ilə "Axtarışlarda ilk sırada çıxmaq" mövzusunda növbəti təlim keçirilib. 14 nəfərin iştirak etdiyi təlimdə Bakı KOBİM-in eksperti tərəfindən iştirakçılara SEO və axtarış sistemlərinin əsasları, açar söz (keyword) araşdırması, on-page, off-page və texniki SEO, kontent strategiyası haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.