Xəbərlər

"Bakı KOB evi"ndə "Biznesin böyüdülməsi üçün data əsaslı qərarların verilməsi" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 14-də Bakı KOBİM-in təşkilatçılığı ilə "Bakı KOB evi"ndə "Biznesin böyüdülməsi üçün data əsaslı qərarların verilməsi" mövzusunda növbəti təlim keçirilib. 14 nəfər iştirakçının qatıldığı təlimdə Bakı KOBİM-in təlimçi-eksperti tərəfindən biznesdə dataya əsaslanan qərarların qəbulu, məlumatların vizuallaşdırılması, analitik təhlilinin aparılması, strategiyanın qurulması və data analitikasının prosesdə tətbiqi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.