Xəbərlər

"Bakı KOB evi"ndə "Biznesin inkişaf etdirilməsi strategiyaları" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 24-də Bakı KOBİM-in təşkilatçılığı ilə "Bakı KOB evi"ndə "Biznesin inkişaf etdirilməsi strategiyaları" mövzusunda növbəti təlim keçirilib. 9 nəfər iştirakçının qatıldığı təlimdə Bakı KOBİM-in təlimçi-eksperti tərəfindən rəhbər-işçi münasibətləri, kommunikasiyanın düzgün qurulması, geridönüş edilməsinin prosesə təsiri, işlərin bölünməsi və planlamanın edilməsi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.