Xəbərlər

"Bakı KOB evi"ndə "Biznesin inkişaf etdirilməsi strategiyaları" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 31-də Bakı KOBİM-in təşkilatçılığı ilə "Bakı KOB evi"ndə "Biznesin inkişaf etdirilməsi strategiyaları" mövzusunda növbəti təlim keçirilib. 9 nəfər iştirakçının qatıldığı təlimdə Bakı KOBİM-in təlimçi-eksperti tərəfindən data analitikasında məlumatların toplanması, mənbələri, emal edilməsi, dataların təmizlənməsi, tənzimlənməsi, prosesdə istifadə olunan alət və üsullar barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.