Xəbərlər

"Bakı KOB evi"ndə "Data analitikasına giriş" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 28-də Bakı KOBİM-in təşkilatçılığı ilə "Bakı KOB evi"ndə "Data analitikasına giriş" mövzusunda növbəti təlim keçirilib. 22 nəfər iştirakçının qatıldığı təlimdə Bakı KOBİM-in təlimçi-eksperti tərəfindən data analitikasının biznes proseslərində rolu, istifadə yerləri, mənbə və növləri, məlumatların təhlili və dəyərləndirilməsi, rəqəmsal transformasiya barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.