Xəbərlər

"Bakı KOB evi"ndə "Hesabatımı necə hazırlayım?" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. İyulun 18-də Bakı KOBİM-in təşkilatçılığı ilə "Bakı KOB evi"ndə "Hesabatımı necə hazırlayım?" mövzusunda növbəti təlim keçirilib. 6 nəfərin iştirak etdiyi təlimdə Bakı KOBİM-in eksperti tərəfindən maliyyə hesabatlarının hazırlanması üçün praktik yanaşmalar, gəlir və xərc strukturlarının düzgün formalaşdırılması, kiçik və orta bizneslərdə büdcənin planlaşdırılması, eləcə də hesabatların rəhbərlik və partnyorlarla effektiv paylaşılması üsulları haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.