Xəbərlər

"Bakı KOB evi"ndə "İdeyadan biznesə: Uğurlu biznes modelinin qurulması" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 17-də Bakı KOBİM-in təşkilatçılığı ilə "Bakı KOB evi"ndə "İdeyadan biznesə: Uğurlu biznes modelinin qurulması" mövzusunda növbəti təlim keçirilib. 6 nəfər iştirakçının qatıldığı təlimdə Bakı KOBİM-in təlimçi-eksperti tərəfindən ideyaların formalaşdırılması, həyata keçirilməsi və uyğun biznes modelinin qurulması, biznesdə dəyər və gəlir yaratmaqda rolu barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.