Xəbərlər

"Bakı KOB evi"ndə "İqlim dəyişikliyi və ekoloji çərçivə" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 11-də Bakı KOBİM-in təşkilatçılığı ilə "Bakı KOB evi"ndə "İqlim dəyişikliyi və ekoloji çərçivə" mövzusunda növbəti təlim keçirilib. 5 nəfər iştirakçının qatıldığı təlimdə Bakı KOBİM-in təlimçi-eksperti tərəfindən iqlim dəyişikliyi və onun təsirləri, gələcək dövr üçün proqnozlar, davamlı inkişafın iqlim problemlərinin həllində əhəmiyyəti, iqtisadi fəaliyyət nəticələrinin buraxılış modeli barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.