Xəbərlər

"Bakı KOB evi"ndə "Komanda quruculuğu" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 29-da Bakı KOBİM-in təşkilatçılığı ilə "Bakı KOB evi"ndə "Komanda quruculuğu" mövzusunda növbəti təlim keçirilib. 8 nəfər iştirakçının qatıldığı təlimdə Bakı KOBİM-in təlimçi-eksperti tərəfindən komanda və komanda quruculuğu anlayışı, komandanı formalaşdırmaq üçün addımlar, onu təşkil edən əsas elementlər, komanda üzvlərinin inkişafı üçün strategiyanın qurulması, effektiv kommunikasiyanın formalaşdırılması və konfliktlərin həll edilməsi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.