Xəbərlər

"Bakı KOB evi"ndə "KPİ qurulması və biznesin data əsaslı idarə olunması" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 5-də Bakı KOBİM-in təşkilatçılığı ilə "Bakı KOB evi"ndə "KPİ qurulması və biznesin data əsaslı idarə olunması" mövzusunda növbəti təlim keçirilib. 11 nəfər iştirakçının qatıldığı təlimdə Bakı KOBİM-in təlimçi-eksperti tərəfindən data analitikasında əsas qiymətləndirmə göstəriciləri, biznes fəaliyyətinin ölçülməsində əsas qiymətləndirmə göstəricilərinin müəyyən edilməsi, nəticələrin təhlili və aparılan analizlər əsasında qərarvermə prosesinin həyata keçirilməsi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.