Xəbərlər

"Bakı KOB evi"ndə "Maliyyələşdirmə mənbələri. Kapital cəlb etmə və investorlarla iş" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 16-da Bakı KOBİM-in təşkilatçılığı ilə "Bakı KOB evi"ndə "Maliyyələşdirmə mənbələri. Kapital cəlb etmə və investorlarla iş" mövzusunda növbəti təlim keçirilib. 7 nəfər iştirakçının qatıldığı təlimdə Bakı KOBİM-in təlimçi-eksperti tərəfindən biznesin maliyyə dəstəyinə çıxışı, investisiyaların cəlb edilməsi, ilkin investisiya layihəsinin hazırlanması və təqdim edilməsi, mənbə və alətlər barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.