Xəbərlər

"Bakı KOB evi"ndə "Özəl fondlar və beynəlxalq maliyyə institutlarının sahibkarlara dəstəyi" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 14-də Bakı KOBİM-in təşkilatçılığı ilə "Bakı KOB evi"ndə "Özəl fondlar və beynəlxalq maliyyə institutlarının sahibkarlara dəstəyi" mövzusunda növbəti təlim keçirilib. 5 nəfər iştirakçının qatıldığı təlimdə Bakı KOBİM-in təlimçi-eksperti tərəfindən bizneslər üçün investisiyaların cəlb olunma yolları, beynəlxalq maliyyə təşkilatlarının proqramları, özəl fondlar və beynəlxalq maliyyə institutları tərəfindən göstərilən dəstəklər barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.