Xəbərlər

"Bakı KOB evi"ndə "Rəhbərlər üçün təchizat zənciri" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 14-də Bakı KOBİM-in təşkilatçılığı ilə "Bakı KOB evi"ndə "Rəhbərlər üçün təchizat zənciri" mövzusunda növbəti təlim keçirilib. 26 nəfər iştirakçının qatıldığı təlimdə Bakı KOBİM-in təlimçi-eksperti tərəfindən təchizat zəncirində müqavilələrin növləri və strukturu, anbar ehtiyatlarının idarə edilməsi, sənədlərin hazırlanması, onlara nəzarətin təmin edilməsi, prosesdə etik qaydalar və onlara riayət barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.