Xəbərlər

"Bakı KOB evi"ndə "Rəhbərlər üçün təchizat zənciri" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 30-da Bakı KOBİM-in təşkilatçılığı ilə "Bakı KOB evi"ndə "Rəhbərlər üçün təchizat zənciri" mövzusunda növbəti təlim keçirilib. 20 nəfər iştirakçının qatıldığı təlimdə Bakı KOBİM-in təlimçi-eksperti tərəfindən təchizatçılarla inteqrasiya prosesinin aparılması, əlaqələrin qurulması, sorğu üçün müəyyən edilən qayda və tələblər, kateqoriyalar və altkateqoriyalar, təchizat zəncirində spesifikasiya: tərtibat, məzmun, növ və əlavələr barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.