Xəbərlər

"Bakı KOB evi"ndə "Rəqəmsal marketinqə giriş" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 24-də Bakı KOBİM-in təşkilatçılığı ilə "Bakı KOB evi"ndə "Rəqəmsal marketinqə giriş" mövzusunda növbəti təlim keçirilib. 9 nəfər iştirakçının qatıldığı təlimdə Bakı KOBİM-in təlimçi-eksperti tərəfindən ənənəvi və rəqəmsal marketinq anlayışı, onların əsas fərqləri, biznesin tanınmasında rolu və əhəmiyyəti, brendinq və dəyərin formalaşdırılması, marketinqi təşkil edən əsas elementlər barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.