Xəbərlər

"Bakı KOB evi"ndə "Sahibkar büdcəni necə idarə etsin?" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 16-da Bakı KOBİM-in təşkilatçılığı ilə "Bakı KOB evi"ndə "Sahibkar büdcəni necə idarə etsin?" mövzusunda növbəti təlim keçirilib. 14 nəfər iştirakçının qatıldığı təlimdə Bakı KOBİM-in təlimçi-eksperti tərəfindən maliyyə menecmentində pulun dəyəri, zamanın dəyərə təsiri, bazar faizi və əsas faktorlar barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.