Xəbərlər

"Bakı KOB evi"ndə "Sahibkar büdcəni necə idarə etsin?" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 16-da Bakı KOBİM-in təşkilatçılığı ilə "Bakı KOB evi"ndə "Sahibkar büdcəni necə idarə etsin?" mövzusunda növbəti təlim keçirilib. 5 nəfər iştirakçının qatıldığı təlimdə Bakı KOBİM-in təlimçi-eksperti tərəfindən bizneslər üçün maliyyələşmə prosesi, maliyyənin təmin edilməsi, kredit müraciəti və uyğun kreditin seçilməsi, lizinq qərarlarının verilməsi və əsas şərtləri barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.