Xəbərlər

"Bakı KOB evi"ndə "Sahibkar büdcəni necə idarə etsin?" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 20-də Bakı KOBİM-in təşkilatçılığı ilə "Bakı KOB evi"ndə "Sahibkar büdcəni necə idarə etsin?" mövzusunda növbəti təlim keçirilib. 5 nəfər iştirakçının qatıldığı təlimdə Bakı KOBİM-in təlimçi-eksperti dövriyyə (işçi) kapitalı anlayışı, onun idarə edilməsi, dövriyyə əmsalları, "Gəlir/Dövriyyə kapitanı" əmsalının hesablanması, mal-material ehtiyatlarına yönəlmiş kapitallar və onlara nəzarət prosesi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.