Xəbərlər

"Bakı KOB evi"ndə "Satış nəticələrinin data analitika ilə ölçülməsi" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 6-da Bakı KOBİM-in təşkilatçılığı ilə "Bakı KOB evi"ndə "Satış nəticələrinin data analitika ilə ölçülməsi" mövzusunda növbəti təlim keçirilib. 11 nəfər iştirakçının qatıldığı təlimdə Bakı KOBİM-in təlimçi-eksperti tərəfindən satış nəticələrinin toplanması, əldə edilən nəticələrin emal edilməsi, təmizlənməsi və tənzimlənməsi, təhlil edilən dataların vizuallaşdırılması, data modellərinin qurulması, satış və marketinq strategiyasının təkmilləşdirilməsi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.