Xəbərlər

"Bakı KOB evi"ndə "Süni intellektin bizneslərdə tətbiqi" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 18-də Bakı KOBİM-in təşkilatçılığı ilə "Bakı KOB evi"ndə "Süni intellektin bizneslərdə tətbiqi" mövzusunda növbəti təlim keçirilib. 7 nəfər iştirakçının qatıldığı təlimdə Bakı KOBİM-in təlimçi-eksperti tərəfindən süni intellektlə bağlı əsas anlayışlar, yaranma tarixi və inkişaf mərhələsi, sahibkarlar üçün tətbiq üsulları, bizneslərdə rolu, gələcək proqrozları, trend və böyümə dinamikası barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.