Xəbərlər

"Bakı KOB evi"ndə "Yaşıl iqtisadiyyat" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 26-da Bakı KOBİM-in təşkilatçılığı ilə "Bakı KOB evi"ndə "Yaşıl iqtisadiyyat" mövzusunda növbəti təlim keçirilib. 10 nəfər iştirakçının qatıldığı təlimdə Bakı KOBİM-in təlimçi-eksperti tərəfindən iqlim dəyişikliyi, davamlı inkişafın ekoloji problemlərin həllində rolu, davamlı inkişafın formalaşdırılması və tətbiqi, iqtisadi artımda ekoloji çərçivə barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.