Xəbərlər

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir

Sentyabrın 9-da Bakı KOBİM-in təşkilatçılığı ilə "Layihə idarəetməsi və biznes proseslərinin planlaşdırılması" mövzusunda təlim keçirilib. Təlimdə Bakı KOBİM-in eksperti tərəfindən iştirakçılara layihələrin planlaşdırılması və idarə olunması, layihə məqsədlərinin və mərhələlərinin müəyyənləşdirilməsi, resursların səmərəli bölüşdürülməsi, biznes proseslərinin təhlili və optimallaşdırılması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.