Xəbərlər

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir

Sentyabrın 22-də Bakı KOBİM-in təşkilatçılığı ilə “Risklərin idarə olunması və biznes davamlılığı” mövzusunda təlim keçirilib. Təlimdə Bakı KOBİM-in eksperti tərəfindən iştirakçılara biznes fəaliyyətində yarana biləcək risklərin müəyyənləşdirilməsi, qiymətləndirilməsi və idarə olunması, risklərin təsirinin minimuma endirilməsi, fövqəladə hallara hazırlıq, biznes davamlılığı planının hazırlanması və böhran vəziyyətlərində effektiv qərarvermə üsulları barədə geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.