Xəbərlər

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir

Sentyabrın 22-də Bakı KOBİM-in təşkilatçılığı ilə “Startapların yaradılması və inkişaf mexanizmləri” mövzusunda təlim keçirilib. Təlimdə Bakı KOBİM-in eksperti tərəfindən iştirakçılara startap ideyasının formalaşdırılması, biznes modelinin qurulması, bazarın və hədəf auditoriyanın müəyyənləşdirilməsi, məhsul və xidmətlərin inkişaf etdirilməsi, maliyyələşmə imkanları, investorlarla əməkdaşlıq, eləcə də startapların dayanıqlı inkişafı və bazara çıxış mexanizmləri barədə geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.