Xəbərlər

Bakı KOBİM-in təşkilatçılığı ilə "Bakı KOB evi"ndə "Biznesdə dizayn düşüncəsi və prototipin hazırlanması" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 27-də Bakı KOBİM-in təşkilatçılığı ilə "Bakı KOB evi"ndə "Biznesdə dizayn düşüncəsi və prototipin hazırlanması" mövzusunda növbəti təlim keçirilib. 26 nəfər iştirakçının qatıldığı təlimdə Bakı KOBİM-in təlimçi eksperti tərəfindən dizayn düşüncəsi, onun formalaşdırılması, biznes üçün əhəmiyyəti, dizayn düşüncəsinin 5 əsas addımı, istifadəçi ehtiyaclarının nəzərə alınması, dizayn alətləri, məhsul portfeli anlayışı və onun hazırlanması barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.