Xəbərlər

Bakı KOBİM-in təşkilatçılığı ilə "Bakı KOB evi"ndə "Biznesdə dizayn düşüncəsi və prototipin hazırlanması" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 2-də Bakı KOBİM-in təşkilatçılığı ilə "Bakı KOB evi"ndə "Biznesdə dizayn düşüncəsi və prototipin hazırlanması" mövzusunda növbəti təlim keçirilib. 26 nəfər iştirakçının qatıldığı təlimdə Bakı KOBİM-in təlimçi-eksperti tərəfindən məhsul prototipi anlayışı, onun hazırlanmasının əhəmiyyəti, prosesin əsas mərhələləri, istifadəçi rəylərinin alınması, məhsulun inkişaf etdirilməsi və strategiyanın hazırlanması barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.