Xəbərlər

Bakı KOBİM-in təşkilatçılığı ilə "Bakı KOB evi"ndə "Süni intellektin bizneslərdə tətbiqi" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 6-da Bakı KOBİM-in təşkilatçılığı ilə "Bakı KOB evi"ndə "Süni intellektin bizneslərdə tətbiqi" mövzusunda növbəti təlim keçirilib. 16 nəfər iştirakçının qatıldığı təlimdə Bakı KOBİM-in təlimçi-eksperti tərəfindən avtomatlaşdırmanın aparılması, mərhələ və əsas addımları, biznes fəaliyyətində tətbiq olunması, müştəri davranışlarının ölçülməsi, analitikasının aparılması və davranışların proqnozlaşdırılması, məlumatların idarə edilməsi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.