Xəbərlər

Bakı KOBİM-in təşkilatçılığı ilə "Bakı KOB evi"ndə "Təhlükəsiz Biznes: Rəqəmsal dünyada kibertəhlükəsizliyə giriş" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 26-da Bakı KOBİM-in təşkilatçılığı ilə "Bakı KOB evi"ndə "Təhlükəsiz Biznes: Rəqəmsal dünyada kibertəhlükəsizliyə giriş" mövzusunda növbəti təlim keçirilib. 5 nəfər iştirakçının qatıldığı təlimdə Bakı KOBİM-in təlimçi-eksperti tərəfindən məlumatların təhlükəsizliyi anlayışı, onun qorunması və gücləndirilməsi, dataların bərpa olunma və nüsxələmə prosesi, giriş icazələri və çoxmərhələli tanınma, kiber risklər və onlara qarşı qorunma mexanizması, strategiyasının hazırlanması, risk analizlərinin aparılması barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.