Xəbərlər

Bakı KOBİM-in təşkilatçılığı ilə "Bakı KOB evi"ndə "Təhlükəsiz Biznes: Rəqəmsal dünyada kibertəhlükəsizliyə giriş" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 27-də Bakı KOBİM-in təşkilatçılığı ilə "Bakı KOB evi"ndə "Təhlükəsiz Biznes: Rəqəmsal dünyada kibertəhlükəsizliyə giriş" mövzusunda növbəti təlim keçirilib. 5 nəfər iştirakçının qatıldığı təlimdə Bakı KOBİM-in təlimçi-eksperti tərəfindən zərərli proqramlar və onların müəyyənləşdirilməsi, elektron poçt təhlükəsizliyi, risk analizinin aparılması, məlumatların nüsxələnməsi və ehtiyat nüsxə strategiyasının hazırlanması, kibertəhlükələrə qarşı siyasətin hazırlanması barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.