Xəbərlər

Bakı KOBİM-in təşkilatçılığı ilə "Bakı KOB evi"ndə "Yaşıl iqtisadiyyat" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 26-da Bakı KOBİM-in təşkilatçılığı ilə "Bakı KOB evi"ndə "Yaşıl iqtisadiyyat" mövzusunda növbəti təlim keçirilib. 19 nəfər iştirakçının qatıldığı təlimdə Bakı KOBİM-in təlimçi eksperti tərəfindən biznes fəaliyyətində iqlim dəyişikliklərinin təsiri, ekoloji məsələlərə əsasən biznes prosesinin tənzimlənməsi, iqtisadi artımda ekoloji çərçivə, davamlı inkişafın formalaşdırılması və tətbiqi barədə məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.