Xəbərlər

Biznes məlumatlarının qorunması mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 5-də Bakı KOBİM-in təşkilatçılığı ilə "Biznes məlumatlarının qorunması" mövzusunda növbəti təlim keçirilib. 10 nəfərin iştirak etdiyi təlimdə Bakı KOBİM-in eksperti tərəfindən iştirakçılara biznes məlumatlarının növləri və qorunma üsulları, kibertəhlükəsizlik siyasətləri, məlumatların şifrələnməsi və təhlükəsiz saxlanması, hücum və risklərin qiymətləndirilməsi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.