Xəbərlər

"Biznes plan necə yazılır?" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Avqustun 4-də Bakı KOBİM-in təşkilatçılığı ilə "Biznes plan necə yazılır?" mövzusunda növbəti təlim keçirilib. 5 nəfərin iştirak etdiyi təlimdə Bakı KOBİM-in eksperti tərəfindən biznes planın nə üçün və kim üçün lazım olduğu, yazarkən diqqət etməli məqamlar, bazar və rəqib araşdırması aparmaq, maliyyə və büdcə proqnozları, startaplar üçün biznes plan yazılması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.