Xəbərlər

"Biznes plan yazarkən maliyyə proqnozları və büdcə" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. İyulun 31-də Bakı KOBİM-in təşkilatçılığı ilə "Biznes plan yazarkən maliyyə proqnozları və büdcə" mövzusunda növbəti təlim keçirilib. 8 nəfərin iştirak etdiyi təlimdə Bakı KOBİM-in eksperti tərəfindən Başlanğıc xərclərin hesablanması gəlir proqnozlarının hazırlanması, əməliyyat xərclərinin planlaşdırılması, nəticə büdcəsi və mənfəət-zərər analizi, nağd pul axını (cash flow) planı, risklər və maliyyə çevikliyi üçün ehtiyat büdcəsi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.