Xəbərlər

"Biznesin böyümə açarı: Doğru maliyyə strategiyası" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Avqustun 16-da Bakı KOBİM-in təşkilatçılığı ilə "Biznesin böyümə açarı: Doğru maliyyə strategiyası" mövzusunda növbəti təlim keçirilib. 8 nəfərin iştirak etdiyi təlimdə Bakı KOBİM-in eksperti tərəfindən maliyyə strategiyasının biznes böyüməsində rolu, gəlir və xərclərin optimallaşdırılması, maliyyə risklərinin idarə olunması, maliyyə göstəricilərinə əsaslanan qərarvermə haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.