Xəbərlər

DAX formulları mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Sentyabrın 12-da Bakı KOBİM-in təşkilatçılığı ilə "DAX formulları" mövzusunda növbəti təlim keçirilib. 8 nəfərin iştirak etdiyi təlimdə Bakı KOBİM-in eksperti tərəfindən iştirakçılara DAX (Data Analysis Expressions) nədir və Power BI-də rolu, əsas DAX funksiyaları, hesablama məntiqi və zaman analitikası, KPI və performans ölçülərinin hazırlanması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.