Xəbərlər

Dizaynda süni intellektdən effektiv istifadə mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 5-də Bakı KOBİM-in təşkilatçılığı ilə "Dizaynda süni intellektdən effektiv istifadə" mövzusunda növbəti təlim keçirilib. 16 nəfərin iştirak etdiyi təlimdə Bakı KOBİM-in eksperti tərəfindən iştirakçılara dizaynda AI tətbiqləri, kreativ və avtomatlaşdırılmış dizayn alətləri, proses optimallaşdırma və effektivlik, praktiki AI dizayn layihələrinin idarə olunması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.