Xəbərlər

Effektiv biznes plan hazırlanması mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 13-də Bakı KOBİM-in təşkilatçılığı ilə "Effektiv biznes plan hazırlanması" mövzusunda növbəti təlim keçirilib. 9 nəfərin iştirak etdiyi təlimdə Bakı KOBİM-in eksperti tərəfindən iştirakçılara biznes planın mahiyyəti və məqsədi, biznes ideyasının formalaşdırılması, bazar və rəqib analizi, biznes planın icrası və monitorinq haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.