Xəbərlər

Effektiv təqdimat bacarıqları mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 4-də Bakı KOBİM-in təşkilatçılığı ilə "Effektiv təqdimat bacarıqları" mövzusunda növbəti təlim keçirilib. 10 nəfərin iştirak etdiyi təlimdə Bakı KOBİM-in eksperti tərəfindən iştirakçılara təqdimat texnikaları və strukturu, dinləyici ilə effektiv ünsiyyət, vizual və audio dəstək materiallarından istifadə, təqdimat zamanı inam və performans artırma üsulları haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.