Xəbərlər

Hədəf auditoriyanı tanı! mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 6-da Bakı KOBİM-in təşkilatçılığı ilə "Hədəf auditoriyanı tanı!" mövzusunda növbəti təlim keçirilib. 8 nəfərin iştirak etdiyi təlimdə Bakı KOBİM-in eksperti tərəfindən iştirakçılara hədəf auditoriya anlayışı, auditoriya araşdırmasının məqsədi, demoqrafik göstəricilərin təhlili, müştəri ehtiyaclarının müəyyən edilməsi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.