Xəbərlər

Hədəf auditoriyasının təyini mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 13-də Bakı KOBİM-in təşkilatçılığı ilə "Hədəf auditoriyasının təyini" mövzusunda növbəti təlim keçirilib. 12 nəfərin iştirak etdiyi təlimdə Bakı KOBİM-in eksperti tərəfindən iştirakçılara hədəf auditoriyanın düzgün müəyyənləşdirilməsinin biznesdə rolu, bazar seqmentasiyası, müştəri davranışının analizi, hədəf auditoriyanın seçilməsi və ölçülməsi haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.