Xəbərlər

İdeyadan startapa mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 3-də Bakı KOBİM-in təşkilatçılığı ilə "İdeyadan startapa" mövzusunda növbəti təlim keçirilib. 8 nəfərin iştirak etdiyi təlimdə Bakı KOBİM-in eksperti tərəfindən iştirakçılara problemi düzgün anlamaq, MVP ilə necə sürətli test edilməlidir, bazarı və rəqibləri data ilə təhlil etmək, məhsul uyğunluğunun yoxlanılması, ilk müştəriləri necə tapmaq olar haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.