Xəbərlər

"İnnovasiya və texnologiyanın biznes plana təsiri" mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Avqustun 29-da Bakı KOBİM-in təşkilatçılığı ilə "İnnovasiya və texnologiyanın biznes plana təsiri" mövzusunda növbəti təlim keçirilib. 8 nəfərin iştirak etdiyi təlimdə Bakı KOBİM-in eksperti tərəfindən innovasiya və texnologiyanın biznes strategiyasındakı rolu, biznes planın innovasiya hissəsinin qurulması, bazar araşdırmasında texnoloji meyllərin nəzərə alınması, maliyyə proqnozlarına texnologiyanın inteqrasiyası haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.