Xəbərlər

İnnovativ biznes plan formaları mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Oktyabrın 3-də Bakı KOBİM-in təşkilatçılığı ilə "İnnovativ biznes plan formaları" mövzusunda növbəti təlim keçirilib. 11 nəfərin iştirak etdiyi təlimdə Bakı KOBİM-in eksperti tərəfindən iştirakçılara innovativ biznes plan, startaplar üçün çevik biznes plan modeli, maliyyə proqnozlaşdırma üsulları, Pitch Deck və investor yönümlü plan forması haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.