Xəbərlər

İnvestorların gözləntiləri və qiymətləndirmə meyarları mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 2-də Bakı KOBİM-in təşkilatçılığı ilə "İnvestorların gözləntiləri və qiymətləndirmə meyarları" mövzusunda növbəti təlim keçirilib. 18 nəfərin iştirak etdiyi təlimdə Bakı KOBİM-in eksperti tərəfindən iştirakçılara investorların diqqət etdiyi əsas göstəricilər, biznes modelinin investisiya baxımından təhlili, qiymətləndirmə metodologiyaları, investor qarşısında düzgün təqdimat hazırlığı haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.