Xəbərlər

Kapital vəsaitlərinin hərəkəti haqqında maliyyə hesabatı mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Noyabrın 30-da Bakı KOBİM-in təşkilatçılığı ilə "Kapital vəsaitlərinin hərəkəti haqqında maliyyə hesabatı" mövzusunda növbəti təlim keçirilib. 10 nəfərin iştirak etdiyi təlimdə Bakı KOBİM-in eksperti tərəfindən iştirakçılara kapital axınlarının növləri, pul vəsaitlərinin hərəkəti hesabatının qurulması, əməliyyat, investisiya və maliyyə fəaliyyətləri, şirkətin likvidlik təhlili haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.