Xəbərlər

Kibertəhlükəsizlik risklərinin azaldılması və ehtiyat planları mövzusunda növbəti təlim keçirilib.

Bakı KOB İnkişaf Mərkəzi (KOBİM) tərəfindən maarifləndirici təlimlərin təşkili davam edir. Dekabrın 2-də Bakı KOBİM-in təşkilatçılığı ilə "Kibertəhlükəsizlik risklərinin azaldılması və ehtiyat planları" mövzusunda növbəti təlim keçirilib. 8 nəfərin iştirak etdiyi təlimdə Bakı KOBİM-in eksperti tərəfindən iştirakçılara biznes üçün əsas kiber risklərin xəritələndirilməsi, risklərin minimuma endirilməsi strategiyaları, fövqəladə hallar üçün ehtiyat planının qurulması, hücum sonrası bərpa və davamlılıq tədbirləri haqqında geniş məlumat verilib. Eyni zamanda iştirakçılarla mövzu ətrafında interaktiv müzakirələr aparılıb, praktiki nümunələr göstərilib və sualları cavablandırılıb. Qeyd edək ki, Bakı KOBİM tərəfindən göstərilən bütün xidmətlər ödənişsizdir.